Geschter hate mer eisen traditionellen Kreschtmaart zu Luerenzweiler am Centre Culturel, wou mer och dest Joer erem vill Leit haten. Ausserdem ware mer Mettes och mat engem Glühwäin- a Gedrénks-Stand op der Nordstrooss (A7) beim Tunnel op der Luerenzweiler Säit vertrueden, vu datt „Porte ouvert“ vum Gousseler Tunnel fir den Public war. Och hei war den Undrang relativ grouss, a virun allem de Glühwäin as séier fort gaang bei deenen äisegen Temperaturen (insgesamt ca. 35 Liter).

Mir soen nach eng Kéier alle Leit Merci déi sou gudd a vill beim Kreschtmaart gehollef hun, an invitéieren si den 11. Januar 2008 op d’Ofschlossfeier am Foyer St. Laurent zu Luerenzweiler, wou mer Fotoen vum Kreschtmaart kucken, a wou de finanzielle Bilan présentéiert get.

Fotoen kommen demnächst och hei op de Site.

Geschriwen den 17.12.2007 um 16:08 vum Sven
Gespäichert ennert: Chrëschtmaart