Aktivitéiten

Mir annoncéieren all eis zukünfteg Aktivitéiten op eiser Facebook Säit. Gidd Member vun eiser Facebook Grupp, a bleiwt emmer um Laafenden!

Gamelle 2008 Avant-Première

Déi nei Gamelle kann een ab sofort an Avant-Première liesen! Ennert Publikatiounen fannt dir de Link fir se erof ze lueden. Muer gett et dann d’Pabeierversioun.

Vill Spass beim liesen!

D’Gamelle 2008 geet an den Drock

Eis alljährlecht Bliedchen, mat Berichter iwert d’Aktivitéiten vum vergaangenen Guide/Scouts Joer, ass de Metten bei d’RapidPress an den Drock gaangen. An der Gamelle fannt dir awer och wichteg Kontakt Informatiounen vun de Cheffen vun alle Branchen. Dofir ass et sënnvoll des Zeitung net direkt wech ze geheien!
Dese Samschden um Elterenowend kritt jidereen deen do ass eng Gamelle ausgedeelt (gratis). Déi, déi iwreg bleiwen kommen dono an eisen Home, fir déi Leit déi de Samschden net können do sin.

Wéi all Joer ass de Redaktiounsschluss fir d’Berichter (1. Oktober) natirlech erem grandios ignoréiert gin. Rekordverdächteg war dest Joer d’Carole (Gruppechef) mat sengem Virwuert fir an d’Gamelle, dat op de leschte Steppel gëschter Owend um 16:32 era gereecht gin ass.

Den traditionellen „Beschass“ dierf natirlech och net fehlen, an ass och net schlecht gefëllt :)

Ech wënschen schon am Viraus vill Spass beim Liesen!

Foto DVD 2008

Fir den Elterenowend (25. Oktober) könnt dest Joer endlech erem eng Foto DVD eraus. Mir hun extrem vill Fotoen a probéieren sou vill wéi méiglech op eng DVD drop ze kréien. D’Fotoen gin dofir op HD Opléisung (1920×1080) erof skaléiert. Wien spéiderhin eng méi héich opléisend Versioun well hun, kann déi per Email ufroen.

Eleng fir 2007 an 2008 hu mer schon knapp 6.000 Fotoen. Fir 2 Euro kann een eng DVD um Elterenowend kaafen. Oplag viraussichtlech 40 Stéck, also maacht iech bäi!

Elterenowend 2007

Jo, also eigentlech si mer jo schon 2008, mee leider huet eisen traditionellen Elterenowend, deen normalerweis am Hierscht ass, missen verluecht gin. Den Elterenowend ass een Sketchowend fir all eis Memberen, d’Elteren an d’Frenn vun de Luerenzweiler Guiden a Scouten, wou och nach eng Kéier d’Chefekipp virgestallt get, an eng Fotoshow vun den Aktivitéiten vum vergaangenen Guiden- a Scouts-Joer gewisen gin.

Wien well kann also dese Samschden, 8. März, am Festsall bei der aaler Gemeng zu Luerenzweiler laanscht kucke kommen. Lass geet et um 19:30 Auer. Thema vum Owend ass dest Joer „Comics“. Dir könnt iech also ennert aanerem op Optretter vum Lucky Luke, Mickey Mouse, oder och vum Tintin, freen.