D’Fotoen vum Buergsonnden sin elo och online.

Merci nach eng Kéier un all déi, déi de Weekend op der Schanz gehollef hun, un eis Sponsoren, den Schintgen Lol an den Scheffen Guy, an un de Fierschter vu Luerenzweiler, den Tom.

Posted on März 2nd, 2009 by Sven
Filed under: Buergbrennen | No Comments »

Déi éischt Foto vum Buergbrennen 2009 sin online.

Posted on Februar 28th, 2009 by Sven
Filed under: Buergbrennen | No Comments »

Dese Weekend ass nees Buergbrennen! Dofir invitéieren mir iech, eis de ganze Weekend iwer op d’Schanz besiche ze kommen. Sonndes könnt der och eppes drénken oder vum Grill iessen.

Moies geet et Samsches a Sonndes jeweils schon um 9 Auer lass mat opriichten. Sonndes géint 19 Auer get d’Buerg dann gebrannt.

Posted on Februar 23rd, 2009 by Sven
Filed under: Buergbrennen | No Comments »

Elo sin dann och schon d‘Fotoen vun haut, Buergsonnden, online.

D’Wieder war einfach genial, an d’Buerg huet och super gebrannt. Firwat kann dat net all Joer sou sin? Ajo, d’Buerg war iwregens 15 Meter héich (ouni Kreschtbeemchen uewen drop).

Posted on Februar 10th, 2008 by Sven
Filed under: Buergbrennen | No Comments »

Déi éischt Fotoen vum Opriichten vun der Buerg sin schon online.

Muer geet et weider. Mam Slalom fueren iwert d’Feld haale mer awer léiwer mol op :)

Posted on Februar 9th, 2008 by Sven
Filed under: Buergbrennen | No Comments »

Fir déi, déi nach net op eiser Buergplaatz waren, as hei eng détailléiert Kaart wou se genau as.

Größere Kartenansicht

Am beschten fiert een d’Rue Belle-Vue erop, ganz uewen dann no riets, an parkt dann einfach laanscht d’Strooss oder um Feld. De Wee bis dohin as och ausgescheldert.

Elo zielt op d’manst d’Excuse „Ech hun et net fonnt“ net méi ;)

Posted on Februar 8th, 2008 by Sven
Filed under: Buergbrennen | No Comments »

A gudd enger Woch as schons Buergbrennen ugesot. Mir maachen dat, wéi déi läscht Joeren och schons, zesummen mat de Panthères Noires (FNEL zu Luerenzweiler). D’Virbereedungen laafen schon op vollen Touren.

Natirlech können all d’Memberen a Frenn vun de Scouten, och de ganzen Weekend vum 9. an 10. Febuar bei eis erop op d’Schanz kucke kommen. Vun der Buergplaatz aus huet een eng genial Aussicht iwert den Uelzechtdall, Heeschdref, Stesel, bis bal an d’Staadt :)
Fir Iessen a Gedrénks as beschtens gesuergt.

Bleiwt just nach ze hoffen, datt mer mol erem eng Kéier gudd Wieder kréien (ideal wieren Minusgraden, bloen Himmel a Sonn), soss gett et erem, wéi déi lescht Joeren, eng fett Bullisschlacht :)

PS: Déi wonnderbar Foto as vun eisem Star-Fotograf Charel vun der Buerg vum läschte Joer.

Posted on Februar 1st, 2008 by Sven
Filed under: Buergbrennen | No Comments »