Aktivitéiten

Mir annoncéieren all eis zukünfteg Aktivitéiten op eiser Facebook Säit. Gidd Member vun eiser Facebook Grupp, a bleiwt emmer um Laafenden!

Facebook Status

OAuthException: Error validating access token: Session has expired on Sunday, 09-Jul-17 13:28:16 PDT. The current time is Monday, 20-Nov-17 16:31:04 PST.

Nei Tipi Zelter

Eis nei Zelter sinn haut ukomm. Et sinn zwee Lavvo Tipi Zelter (Gréisst M / 6-8 Persounen) vun der norwegescher Marque Bergans, inklusiv Zeltbuedem an Moskitodir.

Den däitschen Outdoor Online Shop Unterwegs.biz bei deem mir des Zelter bestallt hunn, huet eis eent vun deenen 2 Zelter (Wärt ronn 600 Euro) gesponsert. Vun hei aus nach en Kéier en décke Merci!

Demnächst gëtt et och eng kleng Presentatioun vun deem Zelt um Freiluft Blog. Eis Raro maachen dann een éischten Härtetest am Juli a Finnland.

Fotoen vum Carapio Camp

D’Carapio waren dest joer schon an der Péngschtvakanz op hiere Camp, an zwar waren si an der Normandie ennerwee.

An der Galerie fannt der all d‘Fotoen vun hierem Camp.

Fotoen vum 1. Mee online

D’Fotoen vum 1. Mee sinn demnächst elo an eiser Galerie online!

(Fotoen: Jacques Kieffer)

Ouschterëer fir een gudden Zweck

Ewéi all Joer verkafe mir, an enker Zesummenaarbecht mam Ouschterhues, Ouschterëer fir een gudden Zweck.

Mir hunn dest Joer 4 Stänn wou mir Ouschterëer verkaafen:

  • Luerenzweiler Busarrêt Gare
  • Boufer Busarrêt Altersheim
  • Blaaschent Busarrêt Kräizung
  • Hënsdref Busarrêt Kiirch

Mir kommen net méi un är Dier schellen!

Bestellung
Wann Dir awer wëllt op Nummer sécher goen, da kennt Dir och per Telefon bestellen. Mir hoppelen dann Samschdes bei Iech laanscht, a bréngen är Bestellung heem. Bestellungen bis Karfreideg (18 Auer) um Telefon 621 784250 (Bidoli Renée) oder 691 309737 (Linckels Sven) oder via Email sven@seven.lu

Präiss
1 Dosen – 5 Euro
1/2 Dosen – 3 Euro

Den Erléis vun eiser Aktioun ass dëst Joer fir den Scouts Grupp vun der Rivière Froide an Haiti.

D’Buergbrennen 2012 am Zäitraffer

Hei ass dann och den Zäitraffervideo vum Buergbrennen 2012. 4 Minutten fir d’Buerg ze bannen, an 3 Sekonnen fir se of ze fakelen :)

Technesch Détailer : Gefilmt mat enger GoPro HD HERO2, Time-lapse Mode (1 Foto all 10 Sekonnen), insgesamt 6.527 Fotoen a 35,5 GB.

Musek : State Shirt – „Computer“ (CC)
Titelbild : Charel Bidoli
Film a Schnett : Sven Linckels

Fotoen Buergbrennen 2012

D‘Fotoen vum Buergbrennen 2012 sin an eiser Galerie online!

Buergbrennen 2012

D’Souten vu Luerenzweiler (FNEL an LGS) invitéieren iech härzlech op d’Buergbrennen zu Luerenzweiler.

De ganzen Nomëtteg iwer kennt Dir eis op der Schanz besichen, an eis bei der Aarbecht nokucken.

Vun 15.00 Auer un ass fir Iessen a Gedrenks gesuergt.  Den Heichpunkt vum Owend ass um 19.00 Auer, wann d’Buerg gebrannt get.

Facebook Event: http://www.facebook.com/events/372924732722760/

Chrëschtmaart 2011

D’Guiden a Scouten St. Laurent invitéieren iech häerzlech op hiren traditionellen Chrëschtmaart um 3. Advent den 11. Dezember 2011 am Centre Culturel zu Hielem/Luerenzweiler.

  • vun 11:00 un Aperitif
  • vun 12:00 un servéieren mir iech 2 verschidden Menüer oder eppes vum Grill (dir braucht iech fir d’Iessen NET unzemellen)
  • vun 13:30 un Grog a Glühwäin

Ausserdem Verkaaf vun Chreschtarrangementer, Bastelaarbechten, Tombola a Spezialtombola.

Eisen Event elo och um Facebook.

Gamelle 2011

Déi neisten Ausgab vun der Gamelle ass elo och online verfügbar! Der Chefredakterin dem Mireille e grousse Merci!

Ennert Publikatiounen könnt dir se eroflueden, genau sou wéi déi Ausgaben aus deene Joeren virdrun.

Gruppefoto 2011

Et ass emol erem Zäit gin fir eng aktuell Gruppefoto ze maachen. Dese Weekend war eng perfekt Geleënheet  dofir, vu datt mer de Samschden Montéesdag haten.

Original Foto eroflueden

Original Foto eroflueden

Original Foto eroflueden