Luerenzweiler Guiden a Scouten

Fotoen vum 1. Mee

Sven — Wed, 02 May 2012 06:09:54 +0000

D’Fotoen vum 1. Mee sinn demnächst online. Hei mol eis prima Gruppefoto :)

(Foto: Jacques Kieffer)

Ouschterëer fir een gudden Zweck

Sven — Tue, 27 Mar 2012 18:42:12 +0000

Ewéi all Joer verkafe mir, an enker Zesummenaarbecht mam Ouschterhues, Ouschterëer fir een gudden Zweck.

Mir hunn dest Joer 4 Stänn wou mir Ouschterëer verkaafen:

Luerenzweiler Busarrêt Gare
Boufer Busarrêt Altersheim
Blaaschent Busarrêt Kräizung
Hënsdref Busarrêt Kiirch

Mir kommen net méi un är Dier schellen!

Bestellung
Wann Dir awer wëllt op Nummer sécher goen, da kennt Dir och per Telefon bestellen. Mir hoppelen dann Samschdes bei Iech laanscht, a bréngen är Bestellung heem. Bestellungen bis Karfreideg (18 Auer) um Telefon 621 784250 (Bidoli Renée) oder 691 309737 (Linckels Sven) oder via Email sven@seven.lu

Präiss
1 Dosen – 5 Euro
1/2 Dosen – 3 Euro

Den Erléis vun eiser Aktioun ass dëst Joer fir den Scouts Grupp vun der Rivière Froide an Haiti.

D’Buergbrennen 2012 am Zäitraffer

Sven — Tue, 28 Feb 2012 06:48:53 +0000

Hei ass dann och den Zäitraffervideo vum Buergbrennen 2012. 4 Minutten fir d’Buerg ze bannen, an 3 Sekonnen fir se of ze fakelen :)

Technesch Détailer : Gefilmt mat enger GoPro HD HERO2, Time-lapse Mode (1 Foto all 10 Sekonnen), insgesamt 6.527 Fotoen a 35,5 GB.

Musek : State Shirt – “Computer” (CC)
Titelbild : Charel Bidoli
Film a Schnett : Sven Linckels

Fotoen Buergbrennen 2012

Sven — Sun, 26 Feb 2012 22:07:19 +0000

D’Fotoen vum Buergbrennen 2012 sin an eiser Galerie online!

Buergbrennen 2012

Sven — Wed, 25 Jan 2012 07:32:26 +0000

D’Souten vu Luerenzweiler (FNEL an LGS) invitéieren iech härzlech op d’Buergbrennen zu Luerenzweiler.

De ganzen Nomëtteg iwer kennt Dir eis op der Schanz besichen, an eis bei der Aarbecht nokucken.

Vun 15.00 Auer un ass fir Iessen a Gedrenks gesuergt. Den Heichpunkt vum Owend ass um 19.00 Auer, wann d’Buerg gebrannt get.

Facebook Event: http://www.facebook.com/events/372924732722760/

Chrëschtmaart 2011

Sven — Tue, 22 Nov 2011 14:11:56 +0000

D’Guiden a Scouten St. Laurent invitéieren iech häerzlech op hiren traditionellen Chrëschtmaart um 3. Advent den 11. Dezember 2011 am Centre Culturel zu Hielem/Luerenzweiler.

vun 11:00 un Aperitif
vun 12:00 un servéieren mir iech 2 verschidden Menüer oder eppes vum Grill (dir braucht iech fir d’Iessen NET unzemellen)
vun 13:30 un Grog a Glühwäin

Ausserdem Verkaaf vun Chreschtarrangementer, Bastelaarbechten, Tombola a Spezialtombola.

Eisen Event elo och um Facebook.

Gamelle 2011

Sven — Sat, 19 Nov 2011 08:05:13 +0000

Déi neisten Ausgab vun der Gamelle ass elo och online verfügbar! Der Chefredakterin dem Mireille e grousse Merci!

Ennert Publikatiounen könnt dir se eroflueden, genau sou wéi déi Ausgaben aus deene Joeren virdrun.

Gruppefoto 2011

Sven — Sun, 02 Oct 2011 13:57:45 +0000

Et ass emol erem Zäit gin fir eng aktuell Gruppefoto ze maachen. Dese Weekend war eng perfekt Geleënheet dofir, vu datt mer de Samschden Montéesdag haten.

Original Foto eroflueden

Nächst Aktivitéiten

Sven — Thu, 15 Sep 2011 08:59:41 +0000

Hei e klengen Iwwerbléck iwwert eis nächst Aktivitéiten :

Mëttwochs den 21.9. – Kongress
Verbandskongress zu Bartreng am Centre Atert

Samschdes de 24.9. – Kleedersammlung
RDV ass um 9:30 Auer op der Gare zu Luerenzweiler

Samschdes de 24.9. – Abschied Pit
Um 19:00 Auer gett zu Lentgen an der Kierch (duerno an der Schoul bei engem Patt) eisem Aumônier, dem Pit, säin Abschied gefeiert.

Sonndes de 25.9. – Chefdag
Chefdag zu Bartreng. RDV fir eis Cheffen ass um 8:45 Auer beim Foyer.

Samschdes den 1.10. – Montée
RDV fir eisen Montéesdag ass um 14:00 Auer beim Foyer. Schluss ass um 22:00 Auer och erem beim Foyer.

Samschdes den 19.11. – Elterenowend
Den Elterenowend ass erëm am Centre Culturel a geet um 19:30 Auer un.

Sonndes den 11.12. – Krëschtmaart
Eisen traditionellen Krëschtmaart ass wéi ëmmer den 3. Advent am Centre Culturel.

Biber a Wellefcherscamp 2011

AnneR — Sun, 11 Sep 2011 14:21:37 +0000

Den Biber an den Wellefcherscamp war dest Joer zu Clierf vum 6-10 September mam Thema Plätschnass. Et waren matt 7 Biber an 11 Wellefcher. Mir hun villes erleiwt wéi z.b. den Waaserkreeslaaf nogebastelt, eng Waasserolympiad, en Daag bei der Baach verbruecht, eng Libell gebastelt.

Fotoen vum Biber a Wellefcherscamp 2011